Simpatizantë të Lidhjes Demokratike të Kosovës dhe të Lëvizjes Vetëvendosje janë grumbulluar në Podujevë, në ditën e fundit të fushatës zgjedhore, raporton Express.
Por, gjatë kohës sa kreu i LDK-së, Isa Mustafa, po mbante fjalim, aktivistë të Vetëvendosjes kanë përmendur emrin e Shpejtim Bulliqit, kandidat për kryetar të kësaj komune.
Pas këtij veprimi, raportohet se ka pasur edhe përplasje mes aktivistëve të dy partive. Ndërkohë, në mesin e aktivistëve të VV-së shihet edhe kryetari i Mitrovicës, Agim Bahtiri.
Ndryshe, zgjedhjet në këtë komunë do të mbahen të dielën. Në garë për të parin e komunës janë Nexhmi Rudari i LDK-së, Shpejtim Bulliqi i VV-së dhe Naim Fetahu i PDK-së. /Gazeta Express