Danimarka ka raportuar rritje të numrit të rasteve të koronavirusit pasi ishte një ndër shtetet e para që i kishte larguar masat kufizuese.
“Virusi është duke lëvizur nëpër shoqërinë tonë edhe një herë”, tha ministri danez i Shëndetësisë, Magnus Heunicke, gjatë një konference për gazetarë.
Raste të reja u regjistruan në 67 prej 98 komunave daneze, bëri të ditur një këshilltar për medie i Ministrisë së Shëndetësisë në Danimarkë.
Të hënën në këtë shtet u regjistruan 67 raste të reja, në bazë të të dhënave të MInistrisë së Shëndetësisë. Numri më i madh i rasteve u regjistrua në qytetin e dytë për numër të banorëve, Aarhus.
Rritja e numrit të rasteve ndikoi që shkalla e riprodhimit të virusit të ngrihet në 1.4, që do të thotë se një persona mesatarisht është duke infektuar 1.4 persona tjerë.
Deri më tani, Danimarka i ka regjistruar 14,815 persona të infektuar me koronavirus dhe 620 të vdekur.
Danimarka ishte në mesin e vendeve të para që i rihapën shkollat, duke i kthyer nxënësit në banka në mesin e prillit.
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...