string(78) "shtatorja-e-adem-jasharit-ne-prizren-po-cilesohet-si-karikature-dhe-skandaloze"

Lajme

Gazeta Express

28/11/2020 20:18

Shtatorja e Adem Jasharit në Prizren po cilësohet si karikaturë dhe skandaloze

Lajme

Gazeta Express

28/11/2020 20:18

Qyteti ku u mbajt Kuvendi i Lidhjes së Prizrenit, për 28 Nëntor u bë mikpritësi i heronjve të kombit në bronz.

Shtatorja e komandantit legjendar Adem Jashari u zbulua në një qendër tregtare të qytetit. Por, ajo po merr kritika të ashpra për shkak të formës së heroit të cilën artisti është munduar ta glorifikojë.

Në sfond të shtatores së heroit është vendosur slogani “Liria ka emër” që u aktualizua së fundi për ish-udhëheqësit e UÇK-së që po përballen me akuza për krime lufte.

Analisti politik Imer Mushkolaj ka reaguar ndaj kësaj ‘vepre arti’. Mushkolaj ka thënë se komandanti Adem Jashari nuk meriton këso lloj karikature.

Nji vepër e tillë, pavarësisht qëllimit të mirë, nuk i bën nder Prizrenit. Komandanti nuk e meriton një këso karikature.

Posted by Imer A. Mushkolaj on Saturday, November 28, 2020

Në përurimin e shtatores morën pjesë ministri i Mbrojtjes, Anton Çuni dhe nipi i komandantit, njëherit edhe kryetar i Skenderajt, Bekim Jashari.

Përvec heroit Adem Jashari, në Prizren u përurua edhe shtatorja e heroit Gjergj Kastrioti – Skënderbeut.