Shqyrtohet raporti vjetor i Bankës Qendrore të Kosovës

Gazeta Express

30/09/2020 8:53

Në Kuvendin e Kosovës do të mbahet mbledhja e Komisionit për Buxhet dhe Transfere, në të cilën do të shqyrtohet raporti vjetor i Bankës Qendrore të Kosovës.

Po ashtu, në këtë Komision si pikë e rendit të ditës është shqyrtimi në parim i Projektligjit për ndryshimin dhe plotësimin e Ligjit për Financimin e Subjekteve Politike të ndryshuar dhe plotësuar me Ligjin 04/1-058, Ligjin 04/L-122 si dhe Ligjin 03/L-073 për Zgjedhje të Përgjithshme në Kosovë, i ndryshuar dhe plotësuar me Ligjin 03/L-256.

Mbledhja e Komisionit do të mbahet në orën 13:00.