Shqipëria në luftë me flakët, dy vatra të reja zjarri në Krujë

Shqiperi

Gazeta Express

07/08/2022 18:52

Situata e zjarreve në Shqipëri është rënduar së tepërmi në 24 orët e fundit.

Dy vatra të tjera zjarri janë aktivizuar në rrethin e Krujës, njëra në fshatin Halil dhe tjetra në kodrat e fshatit Arrameras.

Mësohet se flakët po përpijnë çfarë t’u dalë përpara të favorizuar edhe nga era.

Momentalisht nuk rrezikohen banesa, por zjarri po avancon me shpejtësi.

Për shuarjen e flakëve janë angazhuar dy zjarrfikëset e Krujës, të ndihmuara nga një e Kamzës dhe një nga Tirana.

/Gazeta Express