Dëbora zbardh shkretëtirën e Saharasë, temperaturat zbresin deri në -2 gradë Celsius

Shqiperi

Gazeta Express

18/01/2021 8:46

Muaji janar ka sjellë një mot të paqëndrueshëm me dëborë e ngrica në shumë vende të botës, por në zona të nxehta kjo gjë zakonisht nuk ndodh. Këtë vit duket sikur moti i ftohtë nuk i ka kursyer as këto zona duke bërë që Saharaja të zbardhet dhe temperaturat në Arabinë Saudite të shkojnë në -2 gradë.

Këto pamje janë padyshim më të rrallat që keni parë ndonjëherë. Ndryshe nga si e kemi parë më herët shkretëtirën e Saharasë, për shkak të temperaturave të ulëta, ajo është zbardhur nga bora.

“Çfarë po ndodh me motin në botë?”, shkruajnë mediat ndërkombëtare, duke iu referuar pamjeve që vijnë nga Saharaja, të cilat vetëm në ëndërra mund të jenë parë, shkruan newsbomb.al. Në Arabinë Saudite, vendas dhe të huaj u dyndën në shkretëtirë, në rajonin Aseer, për të shijuar pamjen e rrallë.

Imazhet mahnitëse të fotografit Karim Bouchetata tregojnë qytetin e vogël të shkretëtirës algjeriane Ain Sefra, të mbuluar nga një shtresë dëbore, ndërsa delet dhe devetë shihen duke qëndruar në dunat e rërës të mbuluara me akull. Temperaturat kanë zbritur në -3C (26.6F).