Shkreta tha se iu vodhën 50 mijë euro, flasin nga Prokuroria

Gazeta Express

25/06/2022 23:20

Prokuroria Themelore e Prishtinës ka nisur hetime për rastin e vjedhjes së 50 mijë eurove në shtëpinë e deputetit të Vetëvendosjes, Mirsad Shkreta.

Laureta Ulaj, zëdhënëse e Prokurorisë u shpreh se ndaj rastit janë duke u ndërmarrë të gjitha veprimet e nevojshme hetimore me qëllim të ndriçimit të gjitha rrethanave të kësaj çështjeje penale.

“Me urdhër të prokurorit kujdestar është iniciuar rast në drejtim të veprës penale “Vjedhja e rëndë”, si dhe në koordinim me policinë janë duke u ndërmarrë të gjitha veprimet e nevojshme hetimore me qëllim të ndriçimit të gjitha rrethanave të kësaj çështjeje penale” tha ajo për Insajderin.