Autoritetet turke kanë konfirmuar se 69 persona kanë vdekur nga koronavirusi në 24 orët e fundit, duke e çuar në 425 numrin e përgjithshëm të viktimave.
Përpos viktimave, për një ditë u regjistruan edhe 2786 raste të reja të infektimeve dhe kështu numri i përgjithshëm i të prekurve nga virusi i ri shkoi në 20 mijë e 921 persona.
Këto të dhëna i publikoi ministri turk i shëndetësisë, Fahrettin Koca, i cili gjithashtu bëri të ditur se 484 pacientë janë shëruar dhe janë liruar nga spitalet, ndërsa 1251 të tjerë ndodhen nën kujdes intenziv.
Ministri paralajmëroi për mënyrën e shpejtë të përhapjes së virusit, duke treguar për një rast konkret: “Një person që nuk ka pasur simptoma e ka përhapur sëmundjen te së paku 30 njerëz. Bartësi ka qenë në kontakt me tërë familjen dhe miqtë, sepse nuk ka pasur simptoma. Ai e ka përhapur virusin te një person që ka probleme me imunitetin dhe një tjetër që i kishte 57 vjet. Të dy këta kanë vdekur.”
Ai shtoi: “Edhe njerëzit që kurrë nuk kanë pasur kontakte me të u prekën. Kaq serioze është situata”, shkruan “Anadolu”, transmeton Gazeta Express.
Ndryshe, presidenti Rexhep Erdogan njoftoi se personat nën moshën 20-vjeçare do të vendosen në karantinë të detyrueshme për shkak të rrezikut që ata ta përhapin virusin pa qenë të vetëdijshëm për këtë.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...