Shefi i BE-së në Kosovë reagon pas zgjedhjes së drejtorit të ri të AKI-së

Lajme

Gazeta Express

15/04/2021 14:20

Shefi i BE-së në Kosovë , Tomas Szunyog ka përgëzuar emërimin e shefit të ri të AKI-së, raporton Gazeta Express.

Ambasadori Szunyog ka thënë se është i gëzuar që i diplomuari i programit të BE-së për bursa post-diplomike është zgjedhur drejtor i AKI-së.

“I gëzuar të shoh që njëri nga të diplomuarit e programit të BE-së për bursa Young Cell Scheme është emëruar drejtor i Agjencisë Kosovare të Inteligjencës. Të diplomuarit e këtij programi kanë potencial të madh. I gëzuar që ata mund të kontribuojnë direkt në kapacitetet institucionale të Kosovës”, ka shkruar ai.

Pleased to see that one of EU Young Cell Scheme graduates has been appointed Director of the Kosovo Intelligence Agency. Young Cell Scheme graduates have a great potential; happy that they contribute directly to Kosovo’s institutional capacities.

— Ambassador Tomáš Szunyog (@EUAmbKS) April 15, 2021

Presidentja Vjosa Osmani dhe kreu i Qeverisë, Albin Kurti kanë marrë vendim për të emëruar drejtorin e ri të AKI-së.

Në njoftimin për media të dërguar pak minuta më parë nga zyra e presidentit, është bërë e ditur se në këtë pozitë është emëruar Petrit Ajeti.