Trajneri i Barcelonës, Quique Setien, nuk po shqetësohet për Real Madridin, por për skuadrën e tij, që e zvogëloi epërsinë e madrilenëve në 1 pikë në krye të tabelës pas fitores me rezultat 1:0 kundër Espanyolit të mërkurën.
Barcelona dhe Espanyoli mbetën me nga dhjetë lojtarë në këtë ndeshje në Camp Nou, para se sulmuesi Luis Suarez ta shënonte golin e fitores në minutën e 56-të të ndeshjes, transmeton Gazeta Express.
Barcelona ka luajtur në një ndeshje më shumë sesa rivali i vet, Real Madridi, që është një pikë përpara në tabelë, përkundër që e ka një ndeshje më pak të zhvilluar. Los Blancos do ta luajnë ndeshjen e kësaj xhiroje të premten, kundër Deportivo Alavesit.
Por, Setien refuzon të shqetësohet për skuadrën e Zinedine Zidane, tani që Real Madridit i kanë mbetur edhe katër ndeshje deri në fund të ligës.
“Nuk është punë e jona. Ne duhet të shqetësohemi vetëm për vete”, ka thënë trajneri i Barcelonës, në një intervistë të dhënë për Movistar pas ndeshjes.
“Do ta shohim se çfarë do të bëjë Real Madridi”. /Gazeta Express/
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...