Së shpejti premiera e operës “Gjergj Kastrioti – Skënderbeu, kryezot i Arbërit”

Arte

Gazeta Express

15/05/2023 14:42

Me datën 17 maj jepet premiera e operës “Gjergj Kastrioti – Skënderbeu, kryezot i Arbërit” (Versioni koncertal) e kompozuar nga Vasil S. Tole dhe me libret të kompozitorit mbi tekstin e Fan S. Nolit.

Orkestra dhe Kori i Filharmonisë së Kosovës në bashkëpunim me Korin e Teatrit Kombëtar të Operës dhe Baletit në Tiranë (Shqipëri) në drejtimin e mjeshtrit Sieva Borzak (Itali) do të interpretojnë këtë vepër të përmasave të mëdha për publikun e Prishtinës.

Koncerti fillon nga ora 20:00 në AMC Hall (Rr. Cërriku, Mazgit – Magjistralja Prishtinë – Mitrovicë).

/Express/