Sot në Tiranë mbahet samiti i Bashkimit Europian me Ballkanin Perëndimor, i pari i një lloji të tillë që zhvillohet në Shqipëri. Samiti BE-Ballkan do të mbahet në ambientet e hotelit të ri të sapohapur në kullën e stadiumit Air Albania.
Kryeministri Edi Rama ka mbërritur në sheshin ‘Italia’ dhe është në pritje të liderëve që do të vijnë. Të parët që kanë mbërritur kanë qenë Kryeministri i Maqedonisë së Veriut, Dimitar Kovaçevski dhe komisioneri i BE Oliver Varhelyi.
Mes shumë takimesh të ngrohta, liderët europianë kanë dhënë mesazhet e tyre të forta pro bashkëpunimit me vendet e Ballkanit Perëndimor. Ndërkohë në të njëjtën ditë me Samitin do të zhvillohet edhe protesta e thirrur nga PD.
/Gazeta Express