Rutte në Podgoricë: Rusia po bëhet gjithnjë e më agresive, NATO mbështet Malin e Zi

Lajme

Gazeta Express

12/05/2026 13:25

Sekretari i Përgjithshëm i NATO, Mark Rutte, gjatë vizitës së tij në Mal të Zi deklaroi se aleanca euroatlantike vazhdon ta mbështesë fuqishëm vendin, duke theksuar se stabiliteti i rajonit mbetet prioritet.

“Rusia po bëhet gjithnjë e më agresive. Kina nuk po e lehtëson situatën, pasi ndjek rrugën e saj. NATO është e vendosur të kontribuojë dhe të ndihmojë Ukrainën”, tha Rutte.

Ai shtoi se në javët e ardhshme pritet samiti i NATO-s në Ankara, ku aleatët do të konfirmojnë unitetin transatlantik.

“Besoj se partnerët në të dy anët e Atlantikut do të tregojnë se qëndrojnë së bashku”, deklaroi shefi i NATO-s.

Kryeministri i Malit të i Zi, Milojko Spajiq, tha se vendi i tij vazhdon të gëzojë mbështetje të fortë nga aleanca.

“Besimi në ushtri këtë vit ka arritur nivel historik. Kjo tregon se qytetarët e respektojnë atë. Kemi investuar ndjeshëm në ushtri, por ky është vetëm fillimi”, u shpreh Spajiq.

Sipas tij, në muajin qershor pritet nënshkrimi i një marrëveshjeje me Shtetet e Bashkuara të Amerikës për infrastrukturën kritike ushtarake dhe civile.

Ai paralajmëroi gjithashtu marrëveshje të ngjashme me Gjermania, Kanadaja dhe vende të tjera partnere.

“Mal i Zi është një Ballkan në miniaturë dhe mund të kontribuojë në mirëkuptimin ndërmjet shteteve, përfshirë pjesëmarrjen në misione si KFOR-i”, shtoi kryeministri malazez.

Nga ana tjetër, Rutte e cilësoi Malin e Zi si “një nga aleatët më të mëdhenj të NATO-s”, duke theksuar se mbështetja ndaj Podgoricës do të vazhdojë pavarësisht zhvillimeve në marrëdhëniet me SHBA-në.

Spajiq bëri të ditur se ka nisur puna për hartimin e Marrëveshjes së Anëtarësimit të Malit të Zi në Bashkimi Evropian.

“Do të jetë një punë e vështirë, por shpresojmë që rezultati të jetë në kënaqësinë e të gjithëve”, tha ai.

Rutte foli edhe për çështjet globale të sigurisë dhe ndikimin e zhvillimeve politike në të ardhmen e aleancës.

“E ardhmja e NATO-s deri diku varet edhe nga Trump. Vitin e kaluar ramë dakord të rrisim pragun e shpenzimeve për mbrojtjen, pavarësisht kundërshtimeve të disa vendeve anëtare”, deklaroi ai.

Në kuadër të vizitës në Podgoricë, Rutte pritet të takohet edhe me presidentin e Malit të Zi, Jakov Milatoviq, ndërsa më vonë do t’u drejtohet studentëve të Fakultetit të Shkencave Politike.