Rusia shënon rreth nëntë mijë raste të reja të koronavirusit

Gazeta Express

30/05/2020 11:16

Gjatë 24 orëve të kaluara, në Rusi janë shënuar 8,952 raste të reja të koronavirusit.

Përpos rasteve të reja të infektimeve, gjatë kësaj periudhe u shënuan edhe 181 raste fatale, shkruan “The Guardian”, transmeton Gazeta Express.

Shifra e të vdekurve ishte më e ulët se rekordi prej 232 rasteve që u shënuan të premten. Pas rasteve të reja, numri i përgjithshëm i viktimave shkoi në 4,555.

Në anën tjetër, shifra e përgjithshme e të prekurve nga Covid-19 ka shkuar në 396,575, që e vendos Rusinë në vendin e tretë në botë.

Pavarësisht rritjes së madhe të rasteve të reja, qeveria ruse ka vendosur që t’i largojë disa masa kufizuese dhe ta riaktivizojë ekonominë.