Gjatë 24 orëve të kaluara, Rusia i ka shënuar 9,035 raste të reja të koronavirusit, shifër pak më e ulët se një ditë më parë. Numri i përgjithshëm i të infektuarve shkoi në 414,878.
Përpos rasteve të reja të infektimeve, gjatë kësaj periudhe u shënuan edhe 162 të vdekur dhe numri i përgjithshëm i viktimave shkoi në 4,855, shkruan “The Guardian”, transmeton Gazeta Express.
Të shtunën, autoritetet ruse e miratuan përdorimin e ilaçit Avifavir, i cili është zbuluar në Japoni në fund të viteve të nëntëdhjeta, dhe do ta përdorë atë për trajtimin e pacientëve të prekur nga koronavirusi që nga 11 qershori.
“Ne besojmë se kjo substancë është ndryshuese e rrjedhës. Do ta pakësojë ngarkesën në sistemin shëndetësor, do të kemi më pak pacientë në gjendje kritike dhe në 90 për qind të rasteve e eliminon virusin brenda 10 ditësh”, tha Kirill Dmitriev nga fondi RDIF.
Sipas tij, ky ilaç do të jetë çelës për rifillimin e aktivitetit të plotë në Rusi, ndonëse kërkoi që njerëzit ta respektojnë distancën fizike.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...