Ruçi dhe Balla: Në mars Këshilli i Evropës i hap negociatat Tiranës e Shkupit

Gazeta Express

28/01/2020 19:11

Shqipërisë do t’i hapet në mars drita jeshile për hapjen e negociatave me BE-në.

Të paktën ky është qëndrimi i mbajtur nga kryetari i parlamentit Gramoz Ruçi dhe numri dy i PS-së Taulant Balla, në samitin e Parlamentit Evropian për Ballkanin Perëndimor.

Ruçi e Balla vlerësuan mbështetjen që Presidenti i PE-së Sassoli ka dhënë për Shqipërinë e veçanërisht për hapjen sa më parë të negociatave për Tiranën e Shkupin.

Ruçi u kërkoi kryeparlamentarëve të BE-së të bindin qeveritë e tyre se Ballkani Perëndimor është një rajon evropian dhe jo kufitar me Bashkimin Evropian, ndërsa Balla e vuri theksin tek fakti se “Shqipëria nuk është dekurajuar nga rezervat dhe skepticizmi i disa vendeve anëtare, të cilëve u është kërkuar që, para se të shprehin qëndrimet e tyre, të vijnë në Shqipëri dhe të prekin nga afër rezultatet e problemet tona. Ne jemi të vendosur në destiancionin tonë europian dhe nuk kemi plan tjetër, as të hapur, as të fshehtë, as sot, as në të ardhmen.”