"Kënga Magjike", aktori i njohur i humorit vjen me baladë!


16/10/2018

Olsi Bylykyn që prej 7 tetorit e shohim sëbashku me dyshen e njohur Bes Kallaku dhe Erion Isai, në “B.E Coffee”, rubrika plot humor dhe risi e “Të dielës shqiptare”. Megjithatë duket se surprizat nga Olsi nuk kanë përfunduar me kaq. 

Gazeta Express ka mësuar se aktori do të jetë në konkurrim në “Kënga Magjike”, në 20-vjetorin e këtij festivali të njohur. Edhe më herët e kemi parë Olsin në qasje ndaj muzikës, por kanë qenë këngë më tepër në zhanrin e parodisë. 

Këtë herë ai do të jetë pjesë në kategorinë “New Artist”, por nuk do të jetë vetëm pasi do të sjellë një bashkëpunim. Ndryshe nga këngët apo klipet e tjera ku e kemi parë sipas burimeve të Gazeta Express, Olsi do të tentojë tek zhanri i baladës. 

Tashmë mbetet për të parë cili do të jetë artisti apo artistja me të cilin do të prezantohet aktori në “Kënga Magjike”./Gazeta Express/

Artikull i sponsoruar

Te fundit nga kategoria


Kthehu lart