Reja publikon 11-shen e parë të Shqipërisë për ndeshjen me Islandën, formacionet zyrtare


Gazeta Express
8 Qershor 2019 14:01

Trajneri i Shqipërisë, Edy Reja, e ka emëruar për herë të parë formacionin titullar të kuqezinjve. Ai ka vendosur të luajë me formacionin 3-502 në përballjen me Islandën.

Sot në orën 15:00, Edy Reja do të ulet për herë të parë në karrigen e trajnerit të Kombëtares kuqezi, pasi u emërua në këtë pozitë vetëm pas ndeshjeve të kaluara, pas shkarkimit të Christian Panuccit, shkruan Gazeta Express.

Në këtë ndeshje debutuese, Reja do të tentojë ta dëshmojë veten dhe punën që e ka bërë gjatë ditëve të fundit me skuadrën e kuqezinjve. Këtë gjë dëshiron ta bëjë jo vetëm përmes fitores, por edhe duke shfaqur paraqitje të mirë.,

Fitorja kundër Islandës jo vetëm që do të bënte që Reja ta nisë në mënyrë të përsosur karrierën e tij me Shqipërinë, por edhe do t’i përmirësonte gjasat e kuqezinjve për t’u kualifikuar në EURO 2020.

Shqipëria aktualisht radhitet në pozitën e tretë në Grupin H, me tre pikë më pak sesa Franca dhe Turqia. Megjithatë, këto dy të fundit do të përballen mes vete këtë xhiro dhe Shqipëria do të tentojë ta shfrytëzojë këtë mundësi për t’iu afruar kreut të tabelës.

Për ta arritur këtë qëllim, Edy Reja debuton me formacioni 3-5-2, me Dermakun, Ismajlin dhe Veseli  që luajnë në qenër, ndërsa Hysaj dhe Lenjani nga krahët. Basha, Xhaka, Abrashi janë në mesfushë, ndërsa Balaj e Cikalleshi së bashku në sulm.

Islanda do të luajë me 4-4-1-1. Sigurdsson mbetet futbollist më i rrezikshëm të skuadra e tyre. /Gazeta Express/

Te fundit


Kthehu lart