Komisioneri për Zgjerimin Oliver Varhelyi ka kërkuar nga palët politike që të bëjnë një sforco të fundit për një marrëveshje mbi reformën zgjedhore.
Përmes një mesazhi në rrjetin social, Varhelyi deklaroi se marrëveshja për zgjedhoren është thelbësore për të ardhmen e Shqipërisë në BE.
“Reforma zgjedhore në Shqipëri : Unë i inkurajoj të gjitha palët, brenda dhe jashtë parlamentit, që të vazhdojnë akoma të provojnë dhe të arrijnë një marrëveshje. Kjo është një reformë e rëndësishme që duhet të ofrohet dhe do të ishte për të ardhur keq për të humbur momentin. Shpresoj për një marrëveshje. kjo është thelbësore”, shkruan Varhelyi.