Reali do të luajë me shumë mungesa të shtunën kundër Sevillas… lajmi i mirë është rikthimi i Karim Benzemas.
Zinedine Zidane ka publikuar listën prej 19 futbollistëve të ftuar dhe mungon kapiteni, Sergio Ramos, që ka disa shqetësime të lehta që nga finalja e Superkupës së Spanjës.
As Gareth Bale nuk është gati, ani pse është stërvitur normalisht të premten me pjesën tjetër të skuadrës.
Derisa do të mungojë edhe Fede Valverde, njeriu më i përfolur këto ditë për atë ndërhyrje në Alvaro Moratën në finalen e Superkupës së Spanjës ku triumfoi Reali.
Për arsye dëmtimi do të mungojnë edhe Eden Hazard dhe Marco Asensio, derisa lajmi i mirë është rikthimi i Karim Benzemas.
Odriozola, James Rodriguez e Mariano janë lënë jashtë për arsye teknike, raporton Gazeta Express.
Lojtarët e ftuar nga Zizu:
Portierë: Courtois, Areola y Altube.
Mbrojtës: Carvajal, Militão, Varane, Nacho, Marcelo y Mendy.
Mesfushorë: Kroos, Modric, Casemiro e Isco.
Sulmues: Benzema, Lucas Vázquez, Jović, Brahim, Vinicius Jr. dhe Rodrygo.