Reali e kërkon sonte shkëputjen ndaj Barçës

Gazeta Express

10/07/2020 9:50

“Los Blancos” synojnë që me një fitore ndaj Deportivo Alavesit ta rikthejnë epërsinë prej katër pikësh ndaj Barcelonës

Real Madridi do ta kërkojë sonte fitoren e radhës për t’iu afruar edhe më shumë titullit të kampionit në La Liga.

“Los Blancos” do ta presin në shtëpi Deportivo Alavesin dhe llogarisin në tri pikët e radhës.

Aktualisht, ekipi i Zinedine Zidanet e ka vetëm një pikë më shumë se Barcelona, por e ka edhe një ndeshje më pak të zhvilluar.

Prandaj, me një fitore eventuale ndaj Alavesit, “Mbretërit” do ta rikthenin epërsinë katërpikëshe ndaj kampionit aktual spanjoll.

Më pas, në tri ndeshjet e fundit Realit do t’i mjaftonte vetëm një fitore e dy barazime për t’u shpallur kampion.

Ndeshja ndërmjet Realit dhe Alavesit do të fillojë në orën 22:00. /Gazeta Express/