Raportuesja e PE-së shpreson që heqja e taksës ta sjellë dritën e gjelbër për liberalizimin e vizave

Gazeta Express

01/04/2020 12:57

Raportuesja për Kosovën në Parlamenti Evropian, Viola Von Cramon, po shpreson që Këshilli i Bashkimit Evropian do ta marrë parasysh vendimin e qeverisë në detyrë të Kosovës për heqjen e tarifave, që ta japë dritën e gjelbër për liberalizimin e vizave për Kosovën, raporton Gazeta Express.

Eurodeputetja ka shkruar në Twitter se vendimi i kryeministrit në detyrë për heqjen e tarifave është një sinjal i rëndësishëm për bashkëpunim politik në rajon.

“Urime Qeverisë së Kosovës dhe kryeministrit në detyrë Albin Kurti për heqjen e tarifave. Sinjal shumë i rëndësishëm për zhvillim ekonomik dhe për bashkëpunim politik në rajon. Shpresoj që do të vlerësohet nga Këshilli i Bashkimit Evropian për t’i dhënë dritën e gjelbër liberalizimit të vizave”, ka shkruar Von Cramon.

Congratulations to the #Kosova government and its acting Prime Minister @albinkurti for lifting tariffs. Very important signal for economic development and political cooperation in the region. Hope it will be appreciated #EUCouncil give green light to #visaliberalisation #Kosova https://t.co/FDSMrAyejA

— Viola von Cramon (@ViolavonCramon) April 1, 2020

Sot Qeveria në detyrë ka marrë vendimin që ta heqë tarifën 100% ndaj mallrave serbe dhe të fillojë zbatimi gradual i reciprocitetit. /GazetaExpress/