Rama: Po i bien shtëpive me vare sepse thonë do na i bëjë Elvisi

Gazeta Express

09/12/2019 17:02

Gjatë mbledhjes së komitetit të rindërtimit pas tërmetit të rënë më 26 nëntor, kryeministri Rama tha se janë identifikuar raste ku persona të caktuar po dëmtojnë qëllimisht shtëpitë e tyre për të fituar nga programi i financimit për rindërtimin e banesave.

“Duhet bërë kujdes për invetarin sepse ka shenja spekulantësh dhe mashtruesish. Ka disa që po i bien me vare shtëpisë së tyre sepse mendojnë se do na i bëjë Qeveria dhe Elvisi (Naçi). Inventari është ky që është, Shqipëria ka banesa që kanë probleme akoma më të mëdha, por ato nuk hyjnë në këtë program.

Programi bëhet për ata që kanë humbur strehën, ose është e pabanueshme sepse është çarë një mur. Është e pamundur që ne të shtojmë, numrat janë pak a shumë këto që janë. Ne do t’i përditësojmë, të regjistrojmë ndonjë që nuk është regjistruar ende”, u shpreh Rama.