Hoti shkarkon dy anëtarë të Bordit të KEK-ut që shpërfillën vendimet e qeverisë, emëron dy të tjerë

Gazeta Express

24/10/2020 14:53

Kryetari i Qeverisë, Avdullah Hoti, ka shkarkuar sot dy anëtarë të Bordit të KEK-ut të cilës vetë i kishte emëruar në gusht të këtij viti, kjo pasi të njëjtit kanë shpërfillur vendimin e Qeverisë për të mos marrë pjesë në seminare si pasojë e situatës pandemike. Bëhet fjalë për Egzon Berishën dhe Hysen Fazliun që gjenden në Durrës. Të dy këta janë zëvëndësuar me dy emra të rinj me një vendim të cilin Hoti e ka marrë sot.

Ndërsa, Fatime Grajçevci dhe Petrit Ibraj nuk janë shkarkuar pasi nuk kanë marrë pjesë në këtë seminar në Shqipëri.

Burime të Gazetës Express brenda qeverisë bëjnë të ditur se bordi i përkohshëm që pritet të votohet ka këtë përbërje:

Musa Misini-Kryesues, drejtor

Petrit Ibraj-Drejtor

Fatime Grajçevci-Drejtore

Fadil Hoxha-Drejtor.

/Express/