Qeveria për dorëheqjen e Mehajt: Gruaja e tij është diagnostifikuar me një sëmundje të rrallë

Lajme

Gazeta Express

08/08/2023 18:17

Zëdhënësi i Qeverisë Kurti, Përparim Kryeziu, ka dhënë më shumë detaje rreth arsyes së dorëheqje së Armend Mehajt nga posti i ministrit të Mbrojtjes.

Ai për Express ka thënë se gruaja e Mehajt është diagnostifikuar me një sëmundje të rrallë, prandaj i duhet kujdes në Oslo.

“Ministri Armend Mehaj ka kërkuar lirim nga detyra për shkaqe familjare. Gruaja e tij është diagnostifikuar me një sëmundje të rrallë dhe për çka i duhet tretman dhe kujdes në një qytetet tjetër nga ai i Oslos. Çifti i ka tri vajza të moshës së mitur dhe ministri Mehaj ka kërkuar që të ndodhet pranë familjes në këtë kohë”, ka thënë Kryeziu.

Sot, kryeministri Kurti ka njoftuar se në vend të Mehajt, ministër të Mbrojtjes e ka emëruar Ejup Maqedoncin.