Publikohen pamje të rënda të kosovarit që u vra në Siri


Gazeta Express
14 Maj 2019 10:19

Një shtetas kosovar është vrarë dje në Siri. I vrari është 23 vjeçari Rron Emini. Sot janë publikuar pamje të rënda në momentin e vrasjes së tij.

Ai në Siri kishte shkruar gjatë vitit 2016-të derisa raportohet se në Kosovë ishte banor i lagjes “Ulpiana” të kryeqytetit.

Se Rroni është vrarë në zonë të luftës, e ka konfirmuar për Gazetën Express edhe ministri i Drejtësisë, Abelard Tahiri.

“Po kemi informacion që një kosovar, i cili ishte pjesë e grupit ‘Al-Nusra’, Rron Emini ka vdekur. Deri me tani këto informacione i kemi ne si autoritete të Kosovës”, ka thënë Tahiri për Express.

Rroni i ishte bashkuar organizatës terroriste ISIS në vitin 2016.

Institucionet e shtetit në prill kanë sjellë nga Siria 110  shtetasve kosovarë, më mesin e të cilëve edhe katër burra që dyshohet se kanë qenë pjesë e luftës nën flamurin e zi të Shtetit Islamik.

Të tjerët ishin fëmijë që kanë njërin prej prindërve me nënshtetësi kosovare dhe gra që janë shkuar atje me burrat e tyre.

Institucionet kanë njoftuar së planifikojnë t’i kthejnë edhe 60 shtetas të tjerë nga Siri

Mbi Siria po hyn në vitin e nëntë të luftës civile, ndërsa Shtet Islamik (ISIS) po e shënon fundin e tij. Lufta nisi dhe po përfundon me Bashar Al-Assadin që nuk u dorëzoi asnjëherë kreun e shtetit tashmë të shkatërruar.

Mbi 300 kosovarë janë bërë pjesë e ISIS’it, disa prej tyre janë kthyer në Kosovë e disa kanë pasur fatin e Rronit.

Te fundit


Kthehu lart