‘Fausti’ u dha premierë ditë më parë në Festivalin e Dramës Shqipe në Gjilan por në Teatrin kombëtar do të luhet me 6 shkurt.
“Pasi Fausti kupton se ka shpenzuar jetën në kërkim të dijeve më të larta është i gatshëm që t’i shes shpirtin Mefistos në këmbim të edhe 30 viteve jetë, të cilat do të dëshironte ti përdorë për ta përjetuar dashurinë e munguar dhe mundësinë për të lëvizë në kohëra dhe hapësira tjera që ta ngopë kureshtjen e tij të pafundme …Por, në jetën që fiton në këmbim, Fausti bëhet pjesë e një bote të shfrenuar e mizore, në të cilën shpirti shitet dhe këmbehet për synime shumë më të ulëta se ato të Fausti…”
Pos ditës së premierës, shfaqja me regji të Fadil Hysajt do të luhet edhe me datat 7,8 e 24 shkurt.
Shfaqje tjera që e përbejnë programin artistik të Teatrit Kombëtar këtë muaj janë edhe “Molly”, “Hollyshit”, “Gratë” dhe “Club Albania”.
/Express/