Profesori synon të kalojë 100 ditë në habitatin nënujor

Mistere

Gazeta Express

17/03/2023 21:38

Një profesor i Universitetit të Floridës Jugore ka kaluar 16 ditët e fundit në një strukturë të vendosur 22 metra nën det dhe ai po planifikon të qëndrojë derisa të arrijë gjithsej 100 ditë.

Joe Dituri, një profesor i asociuar në Universitetin e Floridës Jugore, jeton në një hotel nënujor të quajtur Jules Undersea Lodge, i vendosur 22 metra nën sipërfaqe në një lagune Key Largo.

Dituri tha se ai synon të qëndrojë për 100 ditë dhe të thyejë Rekordin Botëror Guinness për kohën më të madhe të kaluar në një habitat nënujor. Rekordi aktual prej 73 ditësh u vendos në Jules Undersea Lodge në 2014 nga Bruce Cantrell dhe Jessica Fain.

Joe tregoi se projekti i tij ishte frymëzuar nga regjisori James Cameron, i cili i kërkoi profesorit të vlerësonte një nga zhytësit e tij në 2012.

Sakaq, profesori  shpreson që përvoja e tij, e quajtur Projekti Neptun, do ta ndihmojë atë të bëjë zbulime të reja duke përfshirë studimin e efektit që projekti kishte në trupin e tij./abcnews.al