Prishtinë, shkallët te stacioni i autobusëve në gjendje të mjerueshme


Gazeta Express
20 Shtator 2019 7:44

Edhe pse gati të pakalueshme, shkallët që dërgojnë te stacioni i autobusëve në kryeqytet frekuentohen në masë të madhe nga qytetarët. Mirëpo, gjendja e keqe e tyre po shkakton pakënaqësi te ta, e te disa të moshuar edhe pamundësi për të kaluar.

Hasan Kastrati, banor i lagjes “Dardania” në kryeqytet, çdo ditë frekuenton këto shkallë që shpijnë për te stacioni i autobusëve.

Ai ka thënë se gjendja e keqe e tyre po i shkakton vështirësi, e sidomos për moshën që ka.

“Këtu sidomos kur bie shi e borë është vështirë të kalohet. Kisha apeluar te organet komunale të riparojnë këto shkallë së paku sa për kalim”, thotë Sabit Kastrati.

Të pakënaqur me këtë gjendje janë shprehur edhe qytetarë të tjerë.

“Për më të moshuarit është vështirë të kalohet. Tash që fillojnë të reshurat gjendja vështirësohet edhe më tej”, tha qytetari Orges Kastrati për RTV Dukagjini.

“Mua më bie çdo ditë të kaloj dhe është jashtëzakonisht e tmerrshme të ndeshesh me këso pamje. Për të moshuarit është shumë vështirë të kalojnë. Është dashur të rregullohen shumë më herët”, thotë qytetari tjetër Ibrahim Gashi.

Te fundit


Kthehu lart