Policia e Tetovës ka një apel për bujqit e zonës

Gazeta Express

07/04/2020 14:29

SPB Tetovë me apel për bujqit që të mos ndezin zjarre gjatë pastrimit të fushave, përcjell GazetaExpress nga In7.

Policia e Tetovës ka dërguar apel deri tek bujqit që të mos ndezin zjarre kur pastrojnë fushat, duke marrë parasysh intensifikimin e operacioneve në terren para mbjelljes pranverore. Atyre po ashtu u rekomandohet kujdes ekstrem kur lëvizin me mekanizimin, të jenë teknikisht të saktë dhe të menaxhohen ekskluzivisht nga persona me lejet e nevojshme.

“Me ngrohjen e motit në rajonin e gjerë të Pollogut, aktivitetet bujqësore në fusha do të intensifikohen, prandaj Sektori i Punëve të Brendshme Tetovë u bën apel të gjithë atyre që do të punojnë në zonat bujqësore këto ditë ose për arsye të ndryshme do të lëvizin në hapësirën e hapur për të mos ndezur zjarre. Kjo vlen veçanërisht për bujqit që po përgatiten intensivisht për mbjellje pranverore, të cilët pastrojnë dhe djegin mbeturina dhe kunguj nëpër fusha, dhe zjarri pa kontroll përhapet shpejt, veçanërisht kur moti është me erë”, thuhet në kumtesën e SPB Tetovë.

Nga policia rikujtojnë se shkaktimi i zjarreve, me dashje ose nga pakujdesia njerëzore, paraqet vepër penale, për të cilën parashikohen sanksione të rrepta ligjore, gjobitje dhe burgim deri 10 vjet, varësisht nga pasojat në ambient dhe tjera.

Përndryshe, nëse bujqit kanë fusha jashtë vendbanimit të tyre, ata duhet të posedojnë leje për lëvizje, ndërsa nuk u duhen atyre që kanë tokë në zonën e fshatrave./GazetaExpress/B.Lika/