Policia e Kosovës hap zjarr në drejtim të automjetit me targa serbe


Gazeta Express
12 Qershor 2019 11:36

Policia kufitare e Kosovës ka hapur zjarr kundrejt një automjeti me targa të Karagujevicit , qytet në Serbi, në veri të Kosovës.

Policia u detyrua të hapë zjarr pasi shoferi i automjetit refuzoi të ndalet.

Zëdhënësi i Policisë së Kosovës Branisllav Radoviq tha se efektivët e policisë gjuajtën në goma, për të detyruar shoferin të ndalet dhe në këtë mënyrë nuk pati të plagosur.

“Automjeti u largua në drejtim të fshatit Soçanica”, tha Radoviq, për të shtuar se furgoni u drejtua nga M.Z., nga Komuna e Leposaviqit./Express/

Te fundit


Kthehu lart