Planifikimi i pensionimit? Trajneri i Argjentinës thotë se Messi mund të luajë për sa “ia do qejfi”

Futboll

Gazeta Express

02/06/2026 23:40

Trajneri i Argjentinës, Lionel Scaloni ka deklaruar se Lionel Messii ka kontroll të plotë mbi kohën e pensionimit të tij nga futbolli.

Në prag të Botërorit 2026, trajneri kampion bote ka theksuar mentalitetin e jashtëzakonshëm të yllit të Inter Miamit, duke thënë se ai vazhdon të luajë në nivelin më të lartë për shkak të dëshirës së tij të pandalshme për fitore.

Scaloni tha se vendimi për tërheqjen nga kombëtarja i përket vetëm Messit.

“Ai do të luajë derisa të dojë, sepse ne tashmë e dimë kush është ai,” u shpreh trajneri.

Ai theksoi gjithashtu se Messi vazhdon të jetë i motivuar edhe pse ka fituar pothuajse çdo trofe të mundshëm në karrierë.

“Vazhdon të jetë më i miri sepse gjithmonë dëshiron më shumë dhe e tregon këtë,” shtoi Scaloni.

Sipas tij, kjo uri e vazhdueshme për sukses është arsyeja kryesore pse Messi mbetet në majën e futbollit botëror.

Trajneri argjentinas gjithashtu sqaroi se çdo vendim për minutazhin dhe përdorimin e Messit merret në bashkëpunim të plotë me vetë lojtarin.

“Çdo vendim që kemi marrë e kemi diskutuar me të,” tha ai.

Scaloni theksoi se Messi, edhe kur nuk është në 100%, vazhdon të ketë ndikim të madh në lojë dhe në skuadër për shkak të pranisë dhe ndikimit të tij në fushë./GazetaExpress/