Peja ndahet me trajnerin Hadar

Basketboll

Gazeta Express

07/10/2024 12:26

Rami Hadar nuk është më trajner i klubit të basketbollit Peja.

Verdhezinjtë kanë njoftuar se trajneri i deritashëm ka ofruar dorëheqje, shkruan “Gazeta Express”.

Hadar, njëkohësisht edhe selektor i Kosovës në basketboll e udhëhoqi Pejën drejt sukseseve, ndërsa ky ishte sezoni i tretë që e nisi me klubin nga Rrafshi i Dukagjinit.

Së fundmi, ai e paralajmëroi largimin pasi u ndie i dëmtuar nga gjyqtarët.

Nuk përjashtohet mundësia që Hadar të largohet edhe nga drejtimi i Kombëtares së Kosovës.

Më poshtë mund ta lexoni postimin e klubit pejan. /Gazeta Express/