PDK reagon pas raportimeve se iu është certifikuar një kandidat që ka problem me ligjin

Lajme

Gazeta Express

23/01/2021 17:25

Zëdhënësi i PDK’së, Avni Bytyçi ka thënë se Partia Demokratike e Kosovës është e përkushtuar që të respektojë vendimin e Gjykatës Kushtetuese.

Ai ka thënë se si PDK nuk kanë qenë të njoftuar nga Zyra për regjistrim të partive nëse kanë ndonjë kandidat tjetër të partisë që duhet të zëvendësohet përpos një kandidati, raporton Gazeta Express.

“Si parti politike, ne kemi vepruar menjëherë pas njoftimit për të zëvendësuar një kandidat të PDK-së nga lista zgjedhore. Partia Demokratike e Kosovës njofton opinionin se nuk kemi qenë të njoftuar nga KGjK-ja, e as nga Drejtori i Zyrës për regjistrimin e partive politike në kuadër të KQZ-së, për ndonjë kandidat tjetër që nuk mund të garoj”, ka shkruar ai./Express/