Pas Holandës edhe nga Zvicra vjen “shuplaka” për Shqipërinë


Gazeta Express
13 Qershor 2019 14:46

Rëndohet situata për Shqipërinë pasi pas Holandës edhe disa politikanë zviceranë po hedhin idenë e rikthimit të vizave.

Këshilltari legist nga Kantoni i Ticinës, Lorenzo Quadri, ka kërkuar interpelancë me Këshillin Federal, e në aktin parlamentar citohen lëvizjet e Parlamentit holandez për të rikthyer vizat për shqiptarët në zonën Shengen dhe kërkesa e mëpasshme zyrtare e qeverisë atje drejtuar KE-së.

“Detyrimi i vizave për shqiptarët-, shkruan Quadri, -u hoq në 2010-ën. Që prej atëherë, ata mund të lëvizin lirshëm-, vazhdon ai,- ,ndërsa më tej nënvizon se  Parlamenti holandez e ka motivuar kërkesën e tij me rritjen shqetësuese të krimit, veçanërisht të tipit mafioz, që vjen nga Shqipëria”.

Është theksuar se në Holandë jetojnë gjashtë herë më shumë shqiptarë sesa ato që janë deklaruar zyrtarisht dhe se sipas policisë së Roterdamit, mafia shqiptare është organizata më e dhunshme kriminale në atë qytet gjatë viteve të fundit. Një problem tjetër i ngritur është emigracioni i paligjshëm i shtetasve shqiptarë në Holandë, veçanërisht meshkujt e rinj.

Komisioni Evropian gjithashtu ndikon Zvicrën, pasi vendi ynë ka nënshkruar marrëveshjet e Shengenit, janë argumentet e dhëna nga Quadri.

Parlamenti i Holandës miratoi se fundi  një mocion që i kërkon qeverisë të bllokojë hapjen e negociatave për anëtarësimin e Shqipërisë në BE për 2019.

Aty thuhet se Shqipëria nuk ka arritur rezultate të prekshme në luftën kundër korrupsionit dhe krimit të organizuar.

Te fundit


Kthehu lart