Panik në Parlamentin britank: Deputeti djersitet gjatë fjalimit, dyshohet për koronavirus

Gazeta Express

04/06/2020 13:23

Një deputet britanik ka alarmuar kolegët e tij. Mediat e huaja shkruajnë se Alok Sharma i është nënshtruar testit të koronavirusit dhe aktualisht gjendet në vetëizolim, pasi nuk ishte ndjerë teksa i ishte drejtuar deputetëve nga foltorja e Parlamentit.

Sharma ishte djersitur dhe herë pas here fshinte ballin me fasoletë teksa po diskutonte. Ndërkohë e gjitha salla është “dezinfektuar” pas largimti të tij nga salla.

Më herët ky deputet kishte marrë pjesë në një takim në kabinetin e kryeministrit britanik Boris Johnson në “Downing Street”.

Edhe pse numri i deputetëve që lejohen të ulen në Parlament vazhdon të jetë i kufizuar, shumë nuk janë të kënaqur që duhet të rikthehen në Westminister, duke pretenduar se paraqet rrezik për ta dhe votuesit e tyre.