Pamjet/ Makina humbi drejtimin dhe ra në kanal, dy viktimat e shënuara në Lushnje janë babë e bijë

Shqiperi

Gazeta Express

14/05/2021 14:03

Dy personat të cilët humbën jetën mesditën e sotme në aksident janë babë e bijë. Mësohet se të dy kanë qenë duke udhëtuar në të njëjtin mjet drejt fshatit Kolonjë.

Në hyrje të fshatit, drejtuesi i mjetit ka humbur drejtimin dhe ka dalë nga rruga duke përfunduar i përmbysur. Si pasojë e përplasjes babë e bijë që ndodheshin brenda makinës kanë ndërruar jetë në vend.

Ende nuk dihen identitetet e tyre apo shkaqet që solli humbjen e drejtimit të mjetit.