Pamjet e rralla brenda tuneleve të kokainës së bosit të drogës, El Chapo

Gazeta Express

29/05/2020 16:47

Kufiri SHBA- Meksikë njihet në të gjithë botën si një zonë problematike, ku grupe të ndryshme kontrabandistësh trafikojnë drogë me vlerë miliona dollarë.

Edhe pse ka një numër të shtuar të agjentëve të sigurisë, prapëseprapë kjo është e pamundur të kontrollohet plotësisht.

Por edhe pse pandemia e koronavirusit e ka vështirësuar trafikimin e lëndëve narkotike, grupet e mëdha kanë ndërtuar tunele nëntokësore, nën të cilët bëhet shumica e shkëmbimeve të jashtëligjshme.

Gjatë një operacioni antidrogë në muajin mars të këtij viti, agjentët amerikanë kapën në sasi të madhe me vlerë 30 milion dollarë, ku zbuluan dhe pamjet e rralla brenda tuneleve të bosit më të madh të drogës, El Chapo në San Diego.