Pamje: Rusia provokon përsëri, mban ushtrime me tanke afër Ukrainës

Lajme

Gazeta Express

14/12/2021 12:02

Rusia po vazhdon të nxisë tensione. Forcat ruse kanë mbajtur ushtrime me tanke e armatim të vërtetë, ku u përfshinë më shumë se 1.000 trupa, në një rajon afër kufirit me Ukrainën.

Ushtrimet më të reja po mbahen në kohën e tensioneve të larta mes Moskës e Perëndimit. Shtetet e Bashkuara dhe Britania e kanë paralajmëruar Rusinë për pasoja serioze, nëse e pushton Ukrainën.

Kremlini njoftoi të mërkurën se presidenti rus, Vladimir Putin, për mërkurën do të zhvillojë samit virtual me homologun kinez, Xi Jinping, për të diskutuar rreth tensioneve në Evropë dhe retorikës, siç  tha, agresive të ShBA-së e NATO-s.

Në video shihen ushtrime të distriktit jugor të ushtrisë ruse në rajonin Rostov.

Të hënën, kryeministri britanik, Boris Johnson, e paralajmëroi presidentin rus përmes një bisede elektronike për shqetësimin e tij të thellë rreth grumbullimit të trupave ruse afër Ukrainës dhe i tha se pasoja serioze do të pasojnë në rast të pushtimit.