Pamje nga rezidenca 10 milionë dollarëshe e JLo dhe Alex

Gazeta Express

11/07/2020 7:55

Rezidenca e JLo dhe Alex në Hamptons ka pishinë, dhomë me avull dhe hapësirë të madhe rreth saj.

Jennifer Lopez dhe i fejuari i saj, Alex Rodriguez po e kalojnë verën së bashku në rezidencën e tyre 10 milionëshe në Hamptons, shkruan TheSun.

Kjo shtëpi e blerë nga JLo më 2013, ishte ndërtuar me porosi në 8.500 metra katrorë dhe me mbi tre hektarë tokë të mrekullueshme të gjelbër.

Shtëpia kryesore ka tetë dhoma gjumi dhe shtatë banjo. Po ashtu, ka edhe një dhomë teatri që përmban një ekran të madh me shumë ulëse.

Kjo shtëpi ka po ashtu dhomë me avull dhe sauna  për çiftin aktiv pas stërvitjeve të tyre. Jashtë ndodhet pishina.

Një verandë e madhe e mbuluar gjendet si përpara ashtu dhe prapa shtëpisë me kolltuk. Ekzistojnë po ashtu disa ballkone të mëdha të rrumbullakëta, transmeton lajmi.net.

Oborri ka hapësirë të madhe ku dyshja mund të argëtohen bashkë me fëmijët, madje ata kanë publikuar vazhdimisht pamje nga ai oborr.