Pamje nga paraqitja fantastike e Zhegrovës ndaj Luzernit


Gazeta Express
16 Maj 2019 13:49

Edon Zhegrova nuk shënoi gol e as nuk bëri asist në ndeshjen e mbrëmshme të Baselit kundër Luzernit, megjithatë ai ishte mjaft mbresëlënës me paraqitjen e tij.

Luzerni bëri një hap prapa në përpjekje për t’u kualifikuar në Ligën e Evropës sezonin e ardhshëm, pasi u mposht 3:2 nga Baseli në një ndeshje ku shkëlqeu dyshja sulmuese e Kosovës, Shkelqim Demhasaj dhe Edon Zhegrova, raporton Gazeta Express.

Edon Zhegrova vs Fc Luzern HIGHLIGHTS 2019

Edon #Zhegrova #Highlights

Edon Zhegrova, i cili e bëri vetëm paraqitjen e tij të tretë si titullar për Baselin që prej transferimit të tij nga Genku në fillim të shkurtit, pati një paraqitje mbresëlënëse dhe luajti 90 minuta të plotë.

Anësori i ekipit kombëtar të Kosovës pati rol në golin e tretë të Baselit, i shënuar nga sulmuesi shqiptar i Zvicrës, Albian Ajeti.

22-vjeçari dështoi ta gjejë golin e tij të parë në fanellën e skuadrës ku është i huazuar edhe pse ishte shumë pranë në disa raste, por performanca e tij e përgjithshme ishte tejet e mirë.

Për Baselin, kjo ndeshje ishte sa për prestigj, sepse tashmë e ka siguruar kualifikimin direkt në Ligën e Kampionëve.

Ndërkohë, Idriz Voca dhe Demhasaj, që luajtën titullarë, nuk munden t’i ndihmojë Luzernit ta bëjë një hap të madh drejt kualifikimit në Ligën e Evropës, edhe pse ky i fundit shënoi dy herë.

Demhasaj shënoi dy gola të shpejtë brenda katër minutave, me golin e dytë që ishte më i miri i ndeshjes, gjatë të cilit kosovari shfaqi aftësitë e tij prej sulmuesi.

Dy javë para fundit, Luzerni ende ka gjasa të përfundojë në zonën që dërgon në kualifikime apo edhe direkt në Ligën e Evropës. /Gazeta Express/

Te fundit


Kthehu lart