Sulmuesi i njohur, Otto John, në sezonin e ri do të jetë pjesë e Dukagjinit.
Klubi nga Klina ka njoftuar këtë të martë zyrtarisht për arritjen e marrëveshjes me nigerianin, shkruan Gazeta Express.
24-vjeçari së fundi ishte pjesë e Prishtinës, teksa më herët ka luajtur edhe te Trepça ’89 e Skënderbeu i Korçës.
Njoftimi i plotë nga KF Dukagjini:
“Futbollisti nigerian vjen nga radhët e Prishtinës, ndërkohë që dikur ishte edhe pjesë e klubeve si Trepça ‘89 dhe Skënderbeu nga Korça. Sulmuesi John, ka luajtur edhe në garat ndërkombëtare me këto tri klube, ku në dhjetë ndeshje ka realizuar tri herë. Sezonin e kaluar John ka realizuar pesë gola dhe tani është përsëri nën urdhrat e kryetrajnerit z. Armend Dallkut.
Mirë se vjen OTTO, na priftë e mbara!”. /Gazeta Express/