Opozita ka fitaur në Moladvi zgjedhjet presidenciale. Kandidatja pro-evropiane, Maia Sandu ka mposhtur rivalin e saj Igor Dodon që është hapur pro-rus dhe i lidhur dhe mbështetur nga Kremlini.
Nga rezultatet paraprake Sandu ka fituar me rezultat të thellë teksa ka marrë 57.7% kundrejt 42.2% të kundërshtarit.
Kjo është një goditje për Kremlinin e Moskës që duket se do të humbë ‘kontrollin’ në një vend të ish-Bashkimit Sovjetik që edhe pas ndarjes ka qenë shumë afër politikës ruse dhe të Putin.
Maia Sandu ka qenë ekonomiste e Bankës Botërore dhe ka shumë lidhje me BE. Ajo ka qenë edhe kryeministre e Moldavisë, por qeveria e saj u rrëzua pas një mocioni besimi nga parlamenti.