Olise refuzon miliona nga sponsorët

Futboll

Gazeta Express

24/05/2026 10:59

Michael Olise po heq dorë vullnetarisht nga miliona euro, pasi ylli i Bayern Munichut nuk ka kontratë me asnjë sponsor këpucësh.

Kushdo që i ka parë me kujdes këpucët e Olises gjatë ndeshjeve, mund ta ketë vënë re se ai nuk është i lidhur me një markë të vetme sportive.

“Ai nuk ka kontratë. Nuk është fare i interesuar për këtë”, ka thënë një mik i afërt i lojtarit për L’Equipe.

Për një futbollist të nivelit të tij, kjo është diçka shumë e pazakontë. Megjithatë, për Olisen, liria për të zgjedhur vetë këpucët që vesh në ditën e ndeshjes është më e rëndësishme se paratë.

Sipas të njëjtit burim, bashkëlojtari i tij te Bayerni, Jamal Musiala, përfiton rreth gjashtë milionë euro në vit nga kontrata me Nike. Olise, ndërkohë, është i gatshëm t’i lërë këto miliona mënjanë për të ruajtur lirinë e zgjedhjes. /GazetaExpress/