OFL u kërkon vëllezërve nga Lezha të deklarojnë pasurinë, të dënuar për trafik narkotikësh

Gazeta Express

21/02/2020 13:55

Vijoi edhe sot Operacioni Forca e Ligjit duke u ndalur në qytetin e Lezhës.

OFL kërkon nga dy persona me të shkuar kriminale të deklarojnë burimin e pasurisë.

Sipas OFL brenda 48 orëve E. S dhe A. L, banues në Lezhë, të dënuar për trafikim të lëndëve narkotike duhet të justifikojnë pasurinë që kanë ngritur në të kundër do të përballen me ligjin që parashikon sekuestrimin e kësaj pasurie.

“Vijon operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji. Në këtë kuadër, OFL u ka dërguar kërkesat për vetëdeklarim të pasurisë, shtetasve:

S dhe A. L, banues në Lezhë, të dënuar për trafikim të lëndëve narkotike.

Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.

Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse. Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.” thuhet në njoftimin e OFL.