O’Connell në takime lamtumire, përshëndetet me Limajn


Gazeta Express
13 Qershor 2019 14:04

Zëvendëskryeministri i Kosovës, Fatmir Limaj, ka pritur në takim ambasadorin e Britanisë së Madhe në Kosovë, Ruairi O’Connell, me të cilin kanë biseduar për zhvillimet aktuale në vend.

Limaj e ka falënderuar ambasadorin për angazhimin e tij të deritashëm në funksion të thellimit të bashkëpunimit mes dy vendeve tona.

Kryetari i Nismës, me rastin e 20-vjetorit të lirisë së Kosovës, ambasadorit britanik i ka shprehur edhe një herë mirënjohje për ndihmën e pakursyer që populli britanik dhe Qeveria e këtij vendi ka dhënë për lirinë e Kosovës dhe në procesin e shtetndërtimit.

“Kosova është e bekuar që ka miq të tillë siç është Britania e Madhe”, ka shkruar ndër të tjera Limaj në llogarinë e tij në “Facebook”.

Shënimi i plotë i Limajt:

Si gjithnjë kënaqësi ta takoja ambasadorin e Britanisë së Madhe në Kosovë, Ruairi O’Connell, me të cilin biseduam për zhvillimet aktuale në vend.

Ambasadorin O’Connell e falënderova për angazhimin e tij të deritanishëm në thëllimin e bashkëpunimit mes dy vendeve tona.

Po ashtu me rastin e 20-vjetorit të lirisë së Kosovës, ambasadorit i shpreha edhe njëherë mirënjohje për ndihmën e pakursyer që populli britanik dhe Qeveria Britanike ka dhënë për lirinë e Kosovës dhe në procesin e shtetndërtimit.

Kosova është e bekuar që ka miq të tillë siç është Britania e Madhe.

Te fundit


Kthehu lart