Nuk i bindet policisë, shoferi që transportonte refugjatë sirianë aksidentohet në Korçë

Gazeta Express

27/02/2020 22:13

Një mjet që po transportonte 4 refugjatë ka dalë nga rruga duke përfunduar në kanal.

Ngjarja ndodhi pak minuta më parë në dalje të qytetit të Korçës.

Sipas policisë, drejtuesi i mjetit nuk i është bindur urdhërit të patrullës së Policisë për të ndaluar duke humbur kontrollin.

Në mjet udhëtonin 4 refugjatë, 2 prej të cilëve janë transportuar në spital me plagë të lehta.

Policia ka ndaluar drejtuesin e mjetit.