Ministrja e Shëndetësisë Ogerta Manastirliu ka përcjellë në rrjetin social disa pamje nga spitali infektiv në Tiranë, ku një infermiere po i shërben një pacienti Covid me simptoma të rënda.
“Kjo është kryeinfermiere Merita Sefa, e cila po i shërben njërit prej pacientëve, që aktualisht po trajtohet për simptomat e rënda të virusit të rrezikshëm në spitalin infektiv. Nuk është lojë, rrezikohet jeta! Sepse, siç thonë mjekët, të cilët janë çdo ditë pranë pacientëve, sëmundja është tinzare!
A mundemi ne ta kufizojmë përhapjen e COVID19? PO, nëse secili prej nesh tregon kujdes në përditshmëri. Nuk është zgjidhje trajtimi në spital, por parandalimi:
Respekto distancën
Vendose maskën
Ruaj higjienën vetjake dhe kolektive“, shkruan Manastirliu.