Nuk e bëjnë dot drejtësinë ata që duhet të përgjigjen para saj


Gazeta Express
14 Gusht 2019 11:39

Partia e Ziadin Selës, Aleanca për Shqiptarët përmes një kumtese me shkrim ka reaguar për konfliktin e fundit mes kryeministrit Zoran Zaev dhe kreut të komunës së Sarajit, Blerim Bexheti.

Sipas Aleancës, nëse pohimet e Bexhetit për thirrjen telefonike të Zaev janë të vërteta, ata pyesin se pse i njëjti ka kërkuar ndihmë për shkarkimin e një gjykatësi nga një njeri për të cilin është hapur hetim për përfshirje në krim.

Më poshtë keni kumtesën e plotë të Aleancës për Shqiptarët.

“I nderuari Kryeministër nuk e dimë cila është e vërteta e deklaratës së Blerim Bexhetit, ne pohimet e tija se Ju i keni kërkuar ndihmë, pikërisht atij që të ushtroj ndikimin e tij për ta shkarkuar Jovo Vangelovskin.

Besoj se Ju i keni dëgjuar bombat qe vetë i publikuat se si vet ai së bashku me krerët e VMRO, instalonin gjykatës dhe prokuror partiak qe ishin në shërbim te regjimit VMRO-BDI.

Është paradoksale qe Ju ta kërkoni ndihmën e tij dhe te BDI, për ta reformuar sistemin e drejtësisë, pikërisht nga ata që e kanë sjelle drejtësinë në gjendje te mjerueshme, pa pikë besueshmërie dhe kredibiliteti.

BDI, vazhdon ti mbrojë të gjithë zyrtarët e VMRO dhe njerëzit e afërt të saj ,duke bërë ta kuptojmë se ky koalicion është gjallë ende  njëjte si dikur që nuk lejuan ti merret mandati Trajko Veljanovskit per rastin  27 Prillit, njëjtë sikur para disa ditëve që nuk kanë lejuar të shkarkohet Kryetari i Gjyjkatës Supreme Jovo Vangellovski.

Kryeministër, Ju kishit mundësi të krijoni kushte që zyrtarët e BDI të përfshirë në korrupsion dhe krim të organizuar, se bashku me gjykatësit dhe prokurorët partiak, të japin llogari për të kaluarën e tyre, por nuk e bëtë atë, po i amnistoni mandej kërkoni ndihmë nga ata, dhe nuk është çudi të jeni bërë njëjtë si ata.Ministër nuk e dimë cila është e vërteta e deklaratës së Blerim Bexhetit, ne pohimet e tija se Ju i keni kërkuar ndihmë, pikërisht atij që të ushtroj ndikimin e tij për ta shkarkuar Jovo Vangelovskin” shkruan në kumtesë Aleanca për Shqiptarët.


Artikull i sponsoruar

Te fundit


Kthehu lart