Nuk dështojnë super yjet, ShBA-ja e fiton të artën në basketboll

Basketboll

Gazeta Express

10/08/2024 23:24

Shtetet e Bashkuara të Amerikës janë shpallur kampion të Lojërave Olimpike në sportin e basketbollit.

Amerikanët me super yjet e tyre, Steph Curry, LeBron James, Kevin Durant e të tjerët shënuan fitore në finale.

ShBA-ja e mundi Francën në garë për medaljen e artë me rezultat 98:87, shkruan Gazeta Express.

Prej fillimit e deri në fund, amerikanët patën epërsinë dhe nuk e humbën atë.

Çereku i parë u mbyll me shifrat 20:15, kurse në pushimin mes pjesëve dy ekipet shkuan me rezultatin 49:41.

Çereku i tretë ishte më i miri për francezët, që e fituan me shifrat 25:23, por që Amerika nuk lejoi befasi dhe në fund iu gëzua medaljes së artë.